The Berliner Philharmoniker’s Digital Concert Hall

2013/02/25 | Posted in Musika bitxikeriak | By

Gaur egun ia kontzertu guztiak ikus ditzakegu Internet bidez etxetik mugitu beharrik izan gabe. Agian, youtube da ezagutzen dugun Interneteko ataririk ezagunena, baina badira beste hainbat ere. Oraingo honetan, Berliner Philharmoniker orkestra ezagunaren ataria gomendatu nahi dizuegu musika klasikoaren zale zaretenoi.

Berliner Philharmoniker Berlin sortu zen 1882an eta gaur egun Europan ospe handienetarikoa duen orkestra da. Besteak beste, Herbert von Karajan edota Claudio Abbado zuzendari handiak izan ditu batuta eramaile gisa urte guzti hauetan.

2008ko abenduan orkestrak Digital Concert Hall atariaren sorreraren berri eman zuen. Honen bidez, mundu guztiko musika zaleek orkestra honen berri izan dezakete eta honen kontzertuak ikusi eta entzun kalitaterik onenean. Hala ere, gaur egungo zerbitzurik gehienak bezala, hau ere ez da dohainik. Kontzertu hauetaz gozatu nahi duenak 48 ordukako, hileko edo urteko kuotak ordaindu beharra dauka, 9,90 €, 29 € eta 149 € hurrenez hurren.

Baina ez dizugu ordaindu beharreko zerbait gomendatu nahi. Izan ere, badira atari honetan dohainik ikus daitezkeen hainbat kontzertu eta elkarrizketa ugari. Horretarako egin behar den bakarra erabiltzaile gisa erregistratzea da. Horrela, musika-hezkuntzarekin zerikusia duten kontzertuak debalde ikusi ahal izango dituzu: kontzertu pedagogikoak, master-class edota entseguak zuzenean; guztiak ingelesez edo ingeles azpi-tituluekin (alemanez) jakina.

Beraz, youtuben ikus ditzakezuen bideoez gain, gehiago nahi baduzu honako helbide hau bisita dezakezu:

http://www.digitalconcerthall.com/

Erabiltzaile gisa erregistratzeko:

http://www.digitalconcerthall.com/en/register

Read More...

Intxaur-hauskailua (II)

2012/12/18 | Posted in Musika bitxikeriak | By

Pasa den astean Intxaur-hauskailua edo El Cascanueces baletaren inguruan hitz egin genizun. Gaur, kasualidadez, 120 urte betetzen dira balet hau taularatu zutela. Izan ere, 1892ko abenduaren 18an estreinatu zen San Petersburgo-ko Mariinski antzokian Tchaikowsky-ren Yolanta izeneko beste opera batekin batera. Oraindik ez dakigu zihur nork zuzendu zuen lehen emanaldi honetarako koreografia. Sarritan Lev Ivanovekin lotu den arren, badirudi Marius Petipak sortu zuela.

Konstantin Ivanov-en marrazki originala 1892ko estreinaldirako

Errusiatik kanpo ez zen 1934 urtera arte antzeztu. Lehen emanaldi hau Ingalaterran izan zen eta Nicholas Sergeyevek sortu zuen koreografia Petiparenean oinarrituz. Estatu Batuetara, aldiz, 1944an iritsi zen San Franciscoko Baletaren eskutik eta Willam Christensen zuzendari gisa. Nueva York-eko Baletak 1954an The Nutcracker antzerkirako muntaia aurkeztu zuen George Balanchinen zuzendaritzapean. Honen ondorioz, Eguberritan balet hau dantzatzeko ohitura zabaldu zen Estatu Batuetan.

Aurreko aldian “Loreen baltsearen” inguruan hitz egin genizun. Oraingoan beste zati ezagun batekin gatoz: Lehengo ekitaldiko hirugarren eszena den “Petit galop des enfants et entrée des parents”. Gainera, euskaldunok beste dantza mota batekin lotzen genuela esan genizuen. Ikus ezazue, ea zer iruditzen zaizuen:

Euskal Herrian “Euskaldunak” izenez ezaguna den dantza bateko doinua da. Dantza hau iparraldean dantzatu ohi da baina izatez Euskal Herri osoan da ezaguna. Ikus ezazue ondorengo bideoa eta zeuek epaitu elkarren artean dituzten antzekotasunak:

Beraz, iparraldekoek beraien dantzarako moldatu zuten abesti hau edo Tchaikowsky-renganaino iritsi ziren dantzarako doinu hauek eta baleterako moldaketa bat idatzi zuen. Badakigu balet hau duela 120 urte estrenatu zela, baina zenbat urte daramatzagu euskaldunok dantza hau dantzatzen? Eztabaida honek betikora garamatza, zer izan zen lehenago, arrautza edo oiloa? “Euskaldunak” ala “Intxaur-hauskailua”?

Read More...

Konpasa jarraituz

2012/04/20 | Posted in Musika bitxikeriak | By

Minutu batez zuzendari izan nahi? Agian askok ez dute jakingo banda zuzendari batek zer egiten duen. Eskuak mugitu, konpasa eraman, ensaiotara ez etortzearren bronkak bota… edo futbol entrenatzaile bat bezala eten gabe aginduak eman. Ondoren ariketatxo bat dakarkizugu. Lehenik eta behin, zuzendariak konpasa eraman behar du, bai, baina baita gidoia jarraitu ere. Zer da gidoia? liburu potoloa, bandako instrumentu guztien partiturak dakartzana, eta zuzendariak hau jarraituz, banda guztia kontrolatzeko erabiliko duena. Zuzendariak, gidoia irakurriz, musikari bakoitzak zer jo behar duen eta batez ere, nola jo behar duen, esango du, beti ere, bere estilo eta interpretazio pertsonala eman nahirik.

Adibide gisa, Mutrikuko Musika Bandan 35 musikari izan arren, abesti bakarrean 20 partitura ezberdin joten ditugu. Zuzendariaren lana da partitura guztia hauek ikastea ensaioetan joten dena ondo jota egon dadin. Aldi berean, 20 partitura jarraitu behar dira beraz. Blog honen jarraitzaileei argitu legez, bideotxo bat eransten dizuegu. Johan Sebastian Bach-en pieza ezagun hau, “Air”, bideoa da, partiturekin batera. Kasu honetan, soka laukote batentzako dago egina, beraz lau partitura besterik ez ditu. Ea jarraitzeko gai zareten.

Goiko pentagramakoa melodia nagusia da. Ondorengo biak kontrapuntua edo kontrakantoa. Eta azkenengo pentagraman berriz baxua dago, konpasaren erritmoa markatzen duena. Zaila iruditzen bazaizue, pentsatu banda edo orkestra bat zuzentzea zer den.

Read More...